വിശപ്പ്‌; ഭക്ഷണത്തിനോടും സ്നേഹത്തിനോടും: Sreelakshmi

പ്രണയം എക്കാലത്തും സിനിമയിൽ ആഘോഷിക്കപ്പെട്ടിട്ടുണ്ട്. എന്നാൽ, ഇതുവരെ കണ്ടും കേട്ടും ശീലിച്ച പ്രണയ ചിത്രങ്ങളെ മാറ്റിയെഴുതുകയാണ് 'ആമിസ്' എന്ന ആസാമീസ് ചിത്രം (2019). ഭാസ്കർ ഹസാരിക സംവിധാനം ചെയ്ത ചിത്രത്തിൽ ലിമയും അർഗദീപും അസാമാന്യ അഭിനയം കാഴ്ചവെയ്ക്കുമ്പോൾ ഇരുവരുടേയും ആദ്യ സിനിമയാണെന്ന വസ്തുത കാഴ്ചക്കാരനു അവിശ്വസനീയം തന്നെ.
.
പ്രണയത്തിന് പുതിയ നിർവചനമാണ് നിർമാലിയും സുമോനും പ്രേക്ഷകനിലെത്തിക്കുന്നത്. 'ആമിസ് ' അടങ്ങാത്ത വിശപ്പിന്റെ നേർചിത്രം കൂടിയാണ്. വിശപ്പ് - ഭക്ഷണത്തിനോടും സ്നേഹത്തിനോടും. North-East Meat eating habits - ൽ റിസർച്ച് നടത്തികൊണ്ടിരിക്കുന്ന സുമോനേയും ഡോക്ടറായ നിർമാലിയേയും അവർപോലുമറിയാതെചേർത്തുനിർത്തുന്നത് മാംസാഹാരമാണെന്നതാണ് ഇവരുടെ പ്രണയത്തെ വ്യത്യസ്തമാക്കുന്നത്.
.
അകലാൻ ശ്രമിക്കും തോറും അടുപ്പിക്കുന്ന മാന്ത്രിക ശക്തിയായി പ്രണയവും മാംസവും രൂപാന്തരം പ്രാപിക്കുന്നു. വിലക്കപ്പെട്ട മാംസം കഴിക്കുന്നതിലൂടെ വിലക്കപ്പെട്ട പ്രണയത്തെക്കൂടിയാണ് ഇവർ നിർവീര്യമാക്കുന്നത്.
.
" lam going to feed her my own flesh" എന്ന സുമോന്റെ വാക്കുകൾ ഇതിനുമുമ്പ് നമുക്ക് സുപരിചിതമായ പ്രണയത്തിന്റേതല്ല. ഭോജിക്കുന്നതിന്റേയും ഭോജിക്കപ്പെടുന്നതിന്റേയും മറ്റൊരു മുഖമാണിത്. മിക്കവർക്കും മാംസം ഭക്ഷണത്തിൽ പ്രധാനപ്പെട്ട ഒരിനം തന്നെയാണ്. എന്നാൽ, പ്രണയത്തിലാകട്ടെ അത് ശരീരമാണ്, പങ്കുവെയ്ക്കലാണ്. ഇവിടെ ശരീരം ഒന്നായി മാറുന്നത് സ്വന്തം മാംസം കൈമാറ്റം ചെയ്യപ്പെടുമ്പോഴാണ്. ഇങ്ങനെ പങ്ക് വെച്ച് കഴിക്കുന്നിടത്താണ് സുമോനും നിർമാലിയും നമുക്കിടയിൽ വിചിത്രമാകുന്നത്. ശാരീരിക ബന്ധത്തിന്റെ സാധ്യതകൾ തങ്ങൾക്കിടയിൽ അപ്രാപ്യമാണെന്ന സുമോന്റെ തിരിച്ചറിവു കൂടിയാണിത്.ഈ പങ്ക് വെയ്ക്കലിലൂടെയാണ് താനെന്നും അവളോടൊപ്പം ചേർന്നു നിൽക്കണമെന്ന ആഗ്രഹം സഫലീകരിക്കപ്പെടുന്നതും.
.
മാംസത്തോടുള്ള അഭിനിവേശം മോർച്ചറിയും കടന്ന് മനുഷ്യവേട്ട വരെ എത്തിനിൽക്കുമ്പോൾ വിശപ്പിന്റേയും പ്രണയത്തിന്റേയും തീവ്രത കാഴ്ചക്കാരനു വ്യക്തമാണ്. മനുഷ്യൻ മനുഷ്യനെ തന്നെ വേട്ടയാടി വിശപ്പകറ്റുന്ന കാലത്തെക്കൂടി ആവിഷ്കരിക്കുന്നിടത്താണ് അസ്വഭാവികത ഒന്നുകൂടി ഉയരുന്നത്. പതിവ് കാഴ്ചകളെ നിരാകരിക്കുന്ന ആമിസിലെ പ്രണയം, കാനിബാലിസം എന്ന ഉന്മാദാവസ്ഥ പ്രാപിക്കുമ്പോൾ, മനസ്സിൽ നടുക്കവും അതിലേറെ വീർപ്പുമുട്ടലുമാണ് അവശേഷിപ്പിക്കുന്നത്.

https://www.instagram.com/p/CB3FGOujE-W/?igshid=c9zo25h2fqpw

കൈച്ചിട്ട് ഇറക്കാനും വയ്യ, മധുരിച്ചിട്ട് തുപ്പാനും വയ്യ: Media Mania

ചില ചിത്രങ്ങൾ അങ്ങനെയാണ്.ചെറിയ വിവരണങ്ങൾ പോലും നമ്മുടെ ആസ്വാദനത്തെ ബാധിച്ചേക്കും.അത്തരം ചിത്രങ്ങൾ ഒന്നും അറിയാതെ കാണുന്നതാണ് നല്ലത്.2019-ൽ പുറത്തിറങ്ങിയ ഈ ആസാമി ചിത്രം അങ്ങനെതന്നെയാണ്.
ഒരു കവിത വായിച്ചു പോകുന്നത് പോലെ കണ്ടിരിക്കേണ്ട item.'കൈച്ചിട്ട് ഇറക്കാനും വയ്യ മധുരിച്ചിട്ട് തുപ്പാനും വയ്യ' എന്ന അവസ്ഥയായിരിക്കും മറ്റു ചിലർക്ക്.കാഴ്ചക്കാർക്ക് വ്യത്യസ്ത അനുഭവം സമ്മാനിക്കുകയാണ് സംവിധാനമികവിലൂടെ.
തുടക്കത്തിൽ ചിത്രം ശാന്തമാണ്.ഭക്ഷപ്രിയനായ നായകൻ അയാൾ കണ്ടെത്തുന്ന ഭക്ഷണ വൈവിധ്യങ്ങളെ നമ്മളും ഇഷ്ട്ടപ്പെടുന്നു.പിന്നീട് കാഴ്ചക്കാരെ മറ്റൊരു തലത്തിലേക്ക് കൊണ്ടെത്തിക്കുന്നു.
തന്റെ സുഹൃത്തിന് വേണ്ടിയാണ് Phd വിദ്യാർത്ഥിയായ സുമൻ ഡോക്ടർ നിർമലയുടെ വീട്ടിലേക്ക് ആദ്യം എത്തുന്നത്.തന്നെക്കാളും ചെറുപ്പമാണെങ്കിലും കാഴ്ചയിലും സ്വഭാവത്തിലും നിഷ്ക്കളങ്കനും വ്യത്യസ്തമായ ഭക്ഷണങ്ങളോടുളള അവന്റെ ഇഷ്ട്ടവും പലപ്പോഴായുള്ള കണ്ടുമുട്ടലും വളരെ പെട്ടെന്ന് തന്നെ അവർക്കിടയിൽ നല്ലൊരു സൗഹൃദം ഉടലെടുക്കുന്നു.അതുവരെ ഒരു പ്രണയചിത്രമാണെന്ന് കരുതിയവർക്ക് മുമ്പിൽ പെട്ടെന്ന് തന്നെ കഥയുടെ പശ്ചാത്തലം Darkfeel കൊണ്ടെത്തിക്കുന്നു.
സമീപകാലത്ത് ഇറങ്ങിയതിൽ വെച്ച് അവതരണമികവ് കൊണ്ടും വ്യത്യസ്ത പ്രമേയം കൊണ്ടും ശ്രദ്ധ നേടിയ മികച്ച ഒരു പരീക്ഷണചിത്രം അതാണ് Aamis🔥

https://www.instagram.com/p/CBcj4HOJk0c/?igshid=naw9o25bbgwj

പ്രണയം പറയാൻ സുമൻ സ്വീകരിച്ച വഴി മാംസാഹാരത്തിലൂടെയാണ്!: SG Sugil

ഭാസ്കർ ഹസാരിക എഴുതി സംവിധാനം ചെയ്തു 2019ൽ പുറത്തിറങ്ങിയ ആസാമീസ് ചിത്രമാണ് “ആമിസ്”. പുതുമുഖങ്ങളായ രണ്ടുപേരെ വെച്ച്, അതും ഒരു ചെറിയ ഇൻഡസ്ട്രിയിൽ നിന്നും അനുരാഗ് കശ്യപ് ഉൾപ്പടെ വളരെ അധികം നിരൂപക പ്രശംസയും ചലച്ചിത്രമേളകളിൽ പ്രദർശിപ്പിക്കുകയും SAIFF അവാർഡ്‌സിൽ മികച്ച സംവിധായാകുനുള്ള അവാർഡ് നേടുകയും ഇന്നും സിനിമ കൂട്ടായ്മകളിൽ ചർച്ച ചെയ്യപ്പെടുകയും ചെയ്യുക എന്നത് തീർത്തും അത്ഭുതപ്പെടുത്തിയ ഒന്നാണ്.
.
വിവാഹിതയും ഒരു കുട്ടിയുടെ അമ്മയും ഡോക്ടറുമാണ് നിർമലി. Phd വിദ്യാർത്ഥിയും മാംസാഹാര പ്രീയനും സ്വന്തമായി വേട്ടയാടിയോ വാങ്ങിയോ പാചകം ചെയ്തു കഴിക്കുന്ന മീറ്റ് ക്ലബ് എന്ന സൗഹൃദ കൂട്ടായ്മയിലെ അംഗവുമാണ് സുമൻ. ഒരുദിവസം ഒരു പ്രത്യേക സാഹചര്യത്തിൽ സുമന് നിർമലിയുടെ സഹായം വേണ്ടി വരുന്നു. സഹായത്തിന് പ്രത്യുപകാരമായി പണത്തിന് പകരം മീറ്റ് ക്ലബിൽ ഉണ്ടാക്കുന്ന ആഹാരം എപ്പോഴെങ്കിലും തന്നാൽ മതിയെന്നു പറഞ്ഞു അവർ പിരിയുന്നു. നിർമലി തമാശക്ക് പറഞ്ഞത് ആണെങ്കിലും സുമൻ പാചകം ചെയ്ത ആഹാരം നിർമലിക്ക് നൽകുന്നു. സ്വാദിഷ്ടമായ ആ മാംസാഹാരത്തിലൂടെ അവർ അടുക്കുന്നു. പിന്നീട് ഇടക്കെപ്പോഴോ സുമനും അവനെക്കാൾ പ്രായകൂടുതൽ ഉള്ള നിർമലിക്കും പരസ്പരം സൗഹൃദത്തിനുമപ്പുറം ഒരിഷ്ടം തോനുന്നു. എന്നാൽ ഒരിക്കലും അവർ അത് തുറന്നു പറയുന്നില്ല. പ്രണയം പറയാൻ സുമൻ സ്വീകരിച്ച വഴി വിവിധയിനം സ്വാദിഷ്ടമായ മാംസാഹാരത്തിലൂടെയാണ്. തുടർന്നുള്ള അവരുടെ ജീവിതമാണ് “ആമിസ്” പറയുന്നത്.
.
റേറ്റിംഗ്: 8.5/10 © @me__sugil__sachu

https://www.instagram.com/p/CAkfKsigmE4

പ്രേക്ഷകന്റെ ചിന്താഗതി പോലെയിരിക്കും സിനിമയുടെ ആസ്വാദനം: Cinema Kuppi

പ്രണയത്തിനു വേണ്ടി നിങ്ങൾ എന്തൊക്കെ ചെയ്യും ? ജീവൻ കൊടുക്കേണ്ടി വന്നാല്ലോ ? രണ്ടുപേർ പ്രണയിച്ചാൽ എന്താണ് കുഴപ്പം ? അവരിൽ ഒരാൾ വിവാഹിതയാണെങ്കില്ലോ? അല്ലെങ്കിൽ പുരുഷന് പ്രായം കുറവാണെങ്കില്ലോ ? ഇതുപോലെ ഒരുപാട് ചോദ്യങ്ങൾ പ്രേഷകനോട് ചോദിക്കുന്ന ഒരു സിനിമയാണ് ആമിസ്.

• ഒരുപാട് നിരൂപക പ്രശംസ ഏറ്റുവാങ്ങി കൊണ്ടിരിക്കുന്ന ഈ സിനിമയിൽ, പ്രണയം തന്നെയയാണ് തീം. ഭക്ഷണം കൈമാറി, ഭക്ഷണത്തിലൂടെയുള്ള പ്രണയങ്ങൾ നമ്മൾ കണ്ടിട്ടുണ്ട്. പക്ഷെ അവയിൽ നിന്നു ഈ സിനിമക്കുള്ള വ്യത്യാസം നിങ്ങൾ തന്നെ കണ്ടറിയുക. • ഒരു ഫസ്റ്റ് ഇയർ PhD വിദ്യാർത്ഥിയും പീഡിയാട്രിഷ്യനും വിവാഹിതയും അമ്മയുമായ സ്ത്രീയും തമ്മിലുള്ള പ്രണയമാണ് സിനിമ. എല്ലാം കൊണ്ടും വ്യത്യസ്ഥത നിറഞ്ഞ സിനിമയിൽ, ഇന്ത്യൻ സിനിമയ്ക്ക് ഇതുവരെ പരിച്ചയമില്ലാത്ത കഥയും കഥാസന്ദർഭങ്ങളുമാണ്. • പ്രേഷകന്റെ ചിന്താഗതി പോലെയിരിക്കും സിനിമയുടെ ആസ്വാദനം. എല്ലാവർക്കും ഒരുപോലെ ഇഷ്ടമാവില്ല. • കണ്ടവരുടെ മനസ്സിൽനിന്ന് അങ്ങനെ പെട്ടെന്നൊന്നും ആമിസ് കടന്നുപോകില്ല, സിനിമ അവശേഷിപ്പിച്ച ചോദ്യങ്ങൾ.

https://www.instagram.com/p/CAVIosqh609/

ഈ പ്രണയത്തിനു ഇനിയും മരണമില്ല❤️: Rahul Raveendran

ഒരു സിനിമ കണ്ടു കഴിഞ്ഞ് ഒരുപാട് നേരം disturbed ആയിട്ട് ഇരുന്നിട്ടുണ്ടോ?, എന്നാൽ സിനിമ കണ്ട് ഒരു മാസത്തിനു ശേഷവും, ഓർക്കുമ്പോൾ ആ wired feeling എനിക്ക് ഇന്നും നിലനിൽക്കുന്ന ചിത്രമാണ് 'ആമിസ്'. .
.
.
എന്നാലും 'ആമിസ്' ഒരു ഇന്ത്യൻ സിനിമയാണെന്ന് ഓർക്കുമ്പോൾ അഭിമാനമാണ്. കാരണം 'Cannibalism' അഥവാ 'നരഭോജനം', നമ്മുടെ ഇന്ത്യൻ സിനിമകളിൽ പരിചിതമല്ലാത്ത ഒന്നാണ്.
ആ cannibalism പ്രണയത്തിൽ ചാലിച്ച് ഇങ്ങനൊരു കഥാപശ്ചാത്തലം ലോകസിനിമയിൽ പോലും സംഭവിച്ചിട്ടുണ്ടോ എന്ന് സംശയമാണ്. 'ആമിസ്' എന്ന സിനിമ അവസാനിക്കുന്നിടത്ത് പ്രേക്ഷകനിലുണ്ടാകുന്ന മരവിപ്പാണ് ഒരുപക്ഷേ സംവിധായകന്റെ വിജയം. .
.
.
അവരുടെ പ്രണയം ഗാഢമാണ്, ജീവിതം നഷ്ടമായ വേളയിലും ക്ലൈമാക്സിൽ നിർമാലിയും സുമോനും കൈകോർക്കുമ്പോൾ പ്രേക്ഷകന് മുൻപിൽ വ്യക്തമാക്കുകയാണ് ഈ പ്രണയത്തിനു ഇനിയും മരണമില്ല❤️ .
Well crafted 'Aamis'.

https://www.instagram.com/p/B_kX2V2jh4J

Aamis, പ്രണയത്തിന്റെ മറ്റാരും പരയാത്തൊരു ഭാവം: thulasi___poovu

Man 'MEATS' Women... മാംസ ബന്ധിതമായ പ്രണയം.. ഒരു പ്രണയത്തിൽ എത്രത്തോളം abnormality ആകാം... !!! വിലയ്ക്കപ്പെട്ട എന്തിനോടും മനുഷ്യന് ഒരു അഭിനിവേശം ഉണ്ട്. AAMIS (2019) വിലക്കപ്പെട്ട പ്രണയത്തെ കുറിച്ചാണ് ഈ സിനിമ. മനുഷ്യന്റെ ആഗ്രഹങ്ങൾ, വിശ്വാസങ്ങൾ, സാമൂഹിക നിയമങ്ങൾ, പാപ ചിന്തകൾ, അടിച്ചമർത്തലുകൾ പ്രതിപാദിക്കുന്നു ഇതിൽ. ആവശ്യത്തിനും അത്യാഗ്രഹത്തിനും ഒരു നൂലിഴ വ്യത്യാസമേയുള്ളൂ.. അത് കടന്നു കഴിഞ്ഞാൽ നമ്മൾ ആഗ്രഹങ്ങളാൾ നിയന്ത്രിക്കപ്പെടും.. . നിർമാലി എന്ന മധ്യവയസ്കയായ വിവാഹിതയും ഒരു കുഞ്ഞിന്റെ അമ്മയുമായ ഡോക്ടറുടെയും ചെറുപ്പക്കാരനായ ഒരു phd scholar ന്റെയും അസാധാരണമായ ഒരു പ്രണയ കഥയാണ് സിനിമ പറയുന്നത്... . ഈ കഥയിൽ ഒരു ആദം ഉണ്ട്.. ഹവ്വ ഉണ്ട്.. വിലക്കപ്പെട്ട കനിയുണ്ട്.. എതിർക്കുന്ന ദൈവമുണ്ട് ( സമൂഹം). അവസാനം ദുഃഖം ആകുന്ന ജയിലിലേക്ക് തള്ളിവിടുന്നു മുണ്ട്... . പ്രണയം, സദാചാരം, ഒറ്റപ്പെടൽ, അവഗണന, ഇതൊക്കെ സിനിമ പറഞ്ഞു പോകുന്നുണ്ടെങ്കിലും പ്രധാനമായി പറയുന്നത് മറ്റൊന്നാണ്.. നോർമൽ, abnormal തരംതിരിവ്... സാധാരണ രീതിയിൽ തുടങ്ങുന്ന സിനിമ മുന്നോട്ടു പോകുംതോറും മറ്റൊരു വഴിയിൽ ഓടി കയറുന്നു സിനിമയ്ക്കൊപ്പം സഞ്ചരിക്കാൻ പ്രേക്ഷകരും നിർബന്ധിതരാകുന്നു...
AAMIS പ്രണയത്തിന്റെ മറ്റാരും പറയാത്തൊരു ഭാവം... - അനു 

https://www.instagram.com/p/B_fT0FKlqfK/

ആമിസ്: അടങ്ങാത്ത വിശപ്പിന്റെ കഥ: Raakesh (Maanga Cinema)

Quarantine ദിനങ്ങളിൽ കണ്ടു നോക്കു: Film Donor Official

പ്രണയമാണ് സുഹൃത്തേ പ്രണയം.. കണ്ണും മൂക്കും ശരീരവുമില്ലാത്ത പ്രണയാണ്..
കണ്ണിലും മുടിയിലും ചിരിയിലും സ്വഭാവത്തിലും സൗന്ദര്യത്തിലും ശരീരത്തിലും തോന്നുന്ന പ്രണയം അത് വ്യക്തിനിഷ്ഠമായി ജീവിതമാകുന്ന പ്രണയം..ആ പ്രണയത്തിന്റെ മറ്റൊരു ഭയാനകതലമാണ് ആമിസ് എന്ന ആസാമീസ് ചിത്രം ശബ്ദിക്കുന്നത്… നമ്മൾ കണ്ട് വളർന്ന ഭാഷഭേദമന്യേ ഉള്ള ഏതൊരു പ്രണയചിത്രത്തേക്കാൾ ഭീകരപ്രണയ കഥ ഈ ചിത്രം സംസാരിക്കുന്നുണ്ട്.. ഒരു പ്ലോട്ടും വായിച്ചറിയാതെ ഈ സിനിമ കണ്ടാൽ മാത്രമേ ആമിസ് നൽകുന്ന ആ ഫീൽ കാഴ്ചകാരന് പൂർണ്ണമായ് തിരിച്ചറിയാൻ പറ്റുകയുള്ളു..അത് കൊണ്ട് തന്നെ ഞാൻ ഒന്നും വിട്ട് പറയുന്നില്ല.. അന്യഭാഷ ചിത്രങ്ങൾ ഒരുപാട് ഇന്നീ quarantine ദിനങ്ങളിൽ ആൾക്കാർ കാണുന്നത് കൊണ്ട് ഇതും ഒന്ന് കണ്ടു നോക്കൂ …. Aamis(2019)



https://www.instagram.com/p/B_CJ41SjVrj/

എല്ലാം വിഷപ്പാണെല്ലോ... എല്ലാം: Sick n'Cinephile

അത്മാവിനെ അന്വേഷിച്ചു പോയാൽ മാംസത്തിലെത്തുന്ന ഒരു സിനിമയാണ് ആമിസ് എന്ന അസമീസ് പടം. ശക്തമായ തിരക്കഥ. പതിഞ്ഞ വേഗത്തിൽ ഉള്ള നറേറ്റിവ്. പക്ഷെ കഥാപാത്രങ്ങൾക്ക് എല്ലാം തന്നെ അന്യായ ഡെപ്ത്. മനുഷ്യൻ ഇരകളെ തേടി തുടങ്ങുമ്പോൾ മുതൽ അവനിലെ മൃഗവാസനകൾ ഉണരുന്നത് കാണിക്കുന്ന സിനിമകൾ പലതുണ്ട്. ഇപ്പോൾ ജെല്ലിക്കെട്ട് എന്ന സിനിമയുടെ തെളിഞ്ഞു നിൽക്കുന്ന ഫിലോസഫി തന്നെ അതാണ്. എന്നാൽ ആമിസ് ജെല്ലിക്കെട്ട് പോലെ അത് അത്ര വോക്കൽ ആക്കുന്നില്ല. മനുഷ്യൻ മനുഷ്യനെ ഇര പിടിച്ചു തുടങ്ങുമ്പോൾ.... എന്നയിടത്ത് പോയി അത്‌ നിൽക്കുന്നു. അതിന്റെ ഭീകരത ആലോചിക്കാൻ പ്രേക്ഷകനെ വിടുന്നു.
വിശപ്പ് എന്ന വാക്കിന്റെ അർത്ഥതലങ്ങൾ പലതിലേക്ക് കഥ പായുന്നു...! എല്ലാം വിശപ്പാണെല്ലോ... എല്ലാം!

https://www.instagram.com/p/B-7EfENJ6fv/

ഒരു ഇരപിടിത്തത്തിന്റെ രാഷ്ട്രീയം: Aamy

'പൊളിറ്റിക്കലി കറക്റ്റ്' എന്നു മുദ്രകുത്തിയ ചിത്രങ്ങൾ മാത്രം വിജയിച്ചിരുന്ന ഒരു പശ്ചാത്തലമാണ് നമുക്കുള്ളത്. പ്രായവ്യത്യാസവും , നിറവും , ലിംഗവും, ജാതിയും നോക്കി പ്രണയത്തെ കയ്യടിച്ചു പാസ്സ് ആകുന്ന ജനതക്ക് മുന്നിൽ Bhaskar Hazarika യുടെ ' ആമിസ് 'പറഞ്ഞു തരുന്നത് ഡോക്ടർ നിർമാലിയുടെയും, സുമോന്റെയും മീറ്റ് ക്ലബ്ബിന്റെയും മാത്രം കഥകളല്ല.'Catfish with colocasia' കോമ്പിനേഷൻ ലിഖിതമായ ഭക്ഷണ ചേർച്ചകളെ പൊളിച്ചെഴുതുന്ന പോലെ, മനുഷ്യർ കരുതിപ്പോരുന്ന തെറ്റിധാരണകളും മാറേണം. വിവാഹിതയും അമ്മയുമായ നായികയും, സുമോൻ എന്ന Phd വിദ്യാർത്ഥിയും തമ്മിൽ ഉടലെടുക്കുന്നത് പ്രണയമാണെങ്കിൽ അത് സമൂഹത്തിന് നിരക്കാത്തതാകുമല്ലോ. .
.
.
.
പെണ്ണെപ്പോളും ആണിനേക്കാൾ പ്രായം കുറഞ്ഞവളും, അവിവാഹിതയും ആണെങ്കിൽ മാത്രമാണ്‌ അതൊരു പൊളിറ്റിക്കലി കറക്റ്റ് സിനിമയാവുക. എങ്കിലേ അത് ജനങ്ങൾ ഏറ്റെടുക്കൂ എന്ന മിഥ്യയെ നിഷ്പ്രയാസം ഇല്ലാതാക്കുന്നു എന്നത് തന്നെയാണ് ആമിസിന്റേയും വിജയം. സ്വന്തം മാംസങ്ങളിലൂടെ പുതിയ രുചികൾ കൈമാറുന്ന കഥാപാത്രങ്ങളായി ഒതുക്കേണ്ടവരല്ല ഇവർ.
മറിച്ച് സമൂഹത്തിലെ കെട്ടുപാടുകളിൽ നിന്നും മുന്നേ ഗമിച്ചവരെ വ്യതിചലിച്ച് പുതിയ കോമ്പിനേഷനുകൾ തീർത്ത മനുഷ്യരാണ്. .
.
.
ഇന്നലെ മുൻഗാമികൾ എന്താണോ ശരി എന്ന് പറഞ്ഞത് അതായിരിക്കണം എന്റെയും തീരുമാനമെന്ന ചിന്തകൾ മാറണം. എന്തിനെയും ചോദ്യം ചെയ്യാനുള്ള ധൈര്യം വരണം.
'നീ ഈ വഴിക്ക് നടക്കണം' എന്ന ആജ്ഞാപനത്തിനോട് പ്രതികരിക്കാനുള്ള ശേഷിയിലേക്കെത്തിച്ചേരണം. പ്രണയവും, ആത്മബന്ധവും, എഴുത്തുകളും എങ്ങനെ ആവണമെന്ന് എവിടെയും എഴുതിവെച്ചിട്ടൊന്നൂല്ല. ചെയ്തുപോരുന്ന , അല്ലെങ്കിൽ വിശ്വസിച്ചു വരുന്ന തെറ്റുകളെ ആവർത്തിക്കാതിരിക്കുക.സിനിമകൾ വെറും കാഴ്ചകൾ മാത്രമല്ല, സ്വഭാവരൂപീകരണത്തിനും, സാമൂഹ്യ വത്കരണത്തിനും നിലകൊള്ളുന്നവയാണ്. സ്റ്റീരിയോടൈപ്പുകളെ പൊട്ടിച്ചെറിഞ്ഞുകൊണ്ട് മണ്ണും, മനസ്സുമറിയുന്ന മനുഷ്യനാവണം.

https://www.instagram.com/p/B-tK2oqFCDF