ৱান ইন লাইফ টাইম ছৱি: Ujjwal Bhuyan

আমিষ- চালো। কেনে পালো সুধি লাভ নাই। হৈ থকা বিতৰ্ক বোৰৰ পৰা এইটো স্পষ্টযে ছৱি খনে কাহিনীটোক উপস্থাপন কৰাত সম্পূৰ্ণ ভাৱে সফল হৈছে। যদি এখন ছৱিয়ে কাহিনীটো সম্পূৰ্ণ ৰূপে উপস্থাপন কৰিব পাৰে তেন্তে তাক সফল ছৱি বুলিয়েই কব লাগিব। গতিকে কেনে পালো তাৰ উত্তৰ দিব নেযাও। বুজি পালোনে বুলি সুধি চাব পাৰে। উত্তৰত কব লাগিব- সকলো বোৰ বস্তু সকলো সময়তে বুজি পোৱা কি সহজ কথা। তথাপি বুজিবলৈ চেষ্টা কৰিলো। এইযে মাংসৰ কথাবোৰ। বহু কিবাকানি মনলৈ লৈ আহিল। মানুহ হাল সুযোগ সন্ধানী আছিল নেকি বুলি এটা প্ৰশ্ন জাগে। মনলৈ অহা কথাটো হ'ল আমি মানুহ বোৰ, জীয়াই থকা প্ৰাণীবোৰ সকলো বোৰ জানো সুযোগ সন্ধানী নহয়নে। এজন প্ৰকৃত শিক্ষকে ছাত্ৰ এজনক দেখাৰ লগে লগে শিক্ষাদানৰ শেষ সুযোগ বুলি ধৰনে নধৰে। প্ৰেমিকে প্ৰেমিকাক দেখাৰ লগে লগে প্ৰেম নিবেদনৰ সুযোগ বুলি ধৰনে নধৰে। ডাক্তৰে ৰোগীক ইত্যাদি ইত্যাদি। সুযোগ শব্দটোৰ অৰ্থ নেতিবাচক বা ইতিবাচক নহয়। সুযোগ বুজি কৰা কামটোহে নেতিবাচক বা ইতিবাচক হব পাৰে। ছৱিখনৰ প্ৰতি মুহূৰ্ততে বাজি ফুৰা অনুভূতিটোৱে আছিল ভোক। এই ভোকৰো আকৌ বিভিন্ন ধৰণৰ ৰূপ আছে। পৰিবেশ পৰিস্থিতিৰ লগত ভোকৰ ৰূপ বেলেগ বেলেগ হয়। পেটৰ ভোক, দেহৰ ভোক, অকলশৰীয়া জীৱনত সান্নিধ্যৰ ভোক, এলেহুৱা মানুহৰ অৱসৰৰ ভোক, শিল্পী সাহিত্যিকৰ সৃষ্টিশীলতাৰ ভোক ইত্যাদি ইত্যাদি। বুজি পোৱা কথাৰ তালিকা খন বহুত দীঘলীয়া। হয়তো এইখন ৱান ইন লাইফ টাইম ছৱি। বাকী ছৱিখনত দেখুওৱা ঘটনাটো ইতিবাচক ঘটনা বুলি কাহিনীকাৰ বা পৰিচালকে কোনো পধ্যেই কোৱা নাই বৰঞ্চ নেতিবাচক হিচাপে সম্পূৰ্ণ ভাৱে উপস্থাপন কৰিছে।।গতিকে #বিন্দাস_হৈ_চাওক

Originally published on Facebook:
https://www.facebook.com/ujjwal.bhuyan/posts/3077664875595077