খাদ্যৰ প্ৰতি থকা মোহ,এক নিষিদ্ধ প্ৰেমৰ সুন্দৰ উপস্থাপন "আমিষ"। বহুতো অসমীয়া তথা হিন্দী চলচ্চিত্ৰতকৈ অকণ পৃথক,যিয়ে বহু দৰ্শকৰ মনত এক বিশেষ স্থান পাবলৈ সক্ষম হৈছে ভাস্কৰ হাজৰিকাৰ "আমিষ" ছবিখনে। ভালপোৱাৰ এক সোৱাদ "আমিষ"।
ভিন্ন ধৰণৰ খাদ্যৰ ওপৰত গৱেষণা কৰা পিএইচডিৰ ছাত্ৰ সুমন আৰু এটা সন্তানৰ মাতৃ, চিকিৎসক পেচাৰ নিৰ্মালি,দুয়োৰে মাজত ভালপোৱাৰ ঢৌ বোৱাই আনে পৰস্পৰৰ মাজত থকা ভিন্ন ধৰণৰ খাদ্যৰ সোৱাদে। ভালপোৱাত ভুল হ'লেও প্ৰেমিকদ্বয় সদায় অন্ধ।একেদৰেই খাদ্যৰ প্ৰতি থকা মোহ,লোভ, পৰস্পৰৰ প্ৰতি থকা ভালপোৱাৰ বাবে সুমন-নিৰ্মালিয়েও তুলি লৈছিল বহুতো নকৰিব লগীয়া কাম। শিক্ষিত হৈও ভোকৰ বাবে হেৰুৱাই পেলাইছিল দুয়োৰে বিবেক।এক অৰ্থত তেওঁলোকে পেটৰ নহয় মনৰহে ভোক গুচোৱাৰ প্ৰয়াস কৰিছিল। এগৰাকী বিবাহিত মহিলা আৰু বয়সত সৰু ল'ৰাৰ মাজত থকা নিষিদ্ধ সম্পৰ্ক, দুয়োৰে মাজৰ এক অদ্ভূত ধৰণৰ ৰুচি আৰু সমাজখনক এক সুন্দৰ ৰূপত উপস্থাপন কৰিছে আমিষ ছবিখনে।
সুমন-নিৰ্মালিৰ উপৰিও পত্নীৰ পৰা আঁতৰত থকা স্বামী,পৰকীয়া সম্পৰ্কক লৈ চিন্তিত বান্ধৱী, সকলো সময়তে লগত থকা চুমনৰ বন্ধু আদি চৰিত্ৰ সমূহ কাহিনীৰ লগে লগে সুন্দৰ ৰূপত আগবঢ়াই নিয়া দেখা যায়।
ছবিখনত সুমন আৰু নিৰ্মালিৰ অভিনয় কৰা অৰ্ঘদীপ বৰুৱা আৰু লিমা দাসৰ অভিনয় প্ৰশংসাৰ যোগ্য। সম্পূৰ্ণ স্বাভাৱিক অভিনয়,মুখ-চকুৰ ভংগিমাৰেই বহুতো কথা দৰ্শকক বুজাই দিবলৈ সক্ষম হৈছে।
বৃহৎ বাজেটত নিৰ্মিত কিছুমান বলিউড ছবিতকৈ বহুগুণে উৎকৃষ্ট এই "আমিষ" ছবি, নিৰ্মাতা সকললৈ ধন্যবাদ এনে এখন অসমীয়া চলচ্চিত্ৰ উপহাৰ দিয়াৰ বাবে।"আমিষ"এ নিৰাশ নকৰে এইয়া ঠিক।
বৃহৎ বাজেটত নিৰ্মিত কিছুমান বলিউড ছবিতকৈ বহুগুণে উৎকৃষ্ট এই "আমিষ" ছবি, নিৰ্মাতা সকললৈ ধন্যবাদ এনে এখন অসমীয়া চলচ্চিত্ৰ উপহাৰ দিয়াৰ বাবে।"আমিষ"এ নিৰাশ নকৰে এইয়া ঠিক।
No comments:
Post a Comment